Ansyen ko-animatè emisyon «Droit Sur Capital» la, Mèt François Roosevelt arete e bastone ayè lendi 4 Septanm 2023 a nan Pakè Jeremi nan kare Komisè Gouvènman an chèf la «Pyram» pandanl tap asiste kliyan li «Gesnaphta JOASSAINT» ki viktim vwadfè.
«Yè li te anviwon midi, Mwen te akonpaye yon kliyan ki rele Gesnaphta JOASSAINT, nan kare komisè gouvènman Jeremi an, André Marie Pyram ki viktim vwadfè. Aprè komisè a fin resevwa yon apèl li deside libere agresè a ke li te desène yon manda mennen vini kont li, kote li mande chak pati pou tounen lendi pwochen devanl ak kondisyon chak pati ap mache ak twa temwen, mwen te reponn komisè a, konsa: nou pap tounen devanl ankò, nap fè sa la lwa mande, temwen yo ap gen plas yo devan yon tribinal koreksyonèl. Li twouve se yon ensil li òdone 2 polisye ki afekte nan pakè a pwosede a arestasyon mwen» se deklarasyon Mèt François Roosevelt nan moman redaksyon nou te kontakte li.
Pi lwen, Mèt la fè konnen ke li pap rete chita gade, lap pote plent pou «abi Otorite» e lap denonse li o nivo ministè jistis ak CSPJ.
Yon lòt bò, Marie André Pyram selon divès sous redaksyon RTL kontakte, fè konnen se yon Komisè ki dekriye, se yon koriptè e yon kipid. Divès viktim ke redaksyon nou te kontakte ki pa vle non yo site, di nou ke komisè sa, se pa jistis lap bay men se pito vann lap vann li, ou gen kob ou bon, ou pa gen kob, kit ou te gen rezon kit ou pat gen rezon wap pran prizon. E yo pa santi yo ansekirite ak li.
Anfen, viktim yo mande ak CSPJ, Ministè Jistis pou pran responsablite yo prese paske yo bouke ak aksyon Komisè a site powèt la.
Retrouvez l’actualité Éducatif, Politique, Sportive, Santé, Sociale, Culturelle, Économie, Religion, en Haïti et dans le Monde, sur notre site avec les reporters de partout. Nous sommes la RTL des radios et toujours au coeur des événements